Meshmesh
مشرف عام المنتدى
مشاركاتى : 731
مزاجى : 
بــــــلدى : 
الــجنس : 
 
 | موضوع: نكت جاااامدة (الثورة)  الخميس 10 فبراير - 16:02 | |
|
نكت بس تماااام اوى
مره حسنى مبارك راح مدرسه ابتدائى فلما جت فتره الاسئله ولد رفع ايده مبارك ساله اسمك ايه فقاله رامى فقاله ايه سؤالك يا رامى ؟ رامى : انا عندى اربع اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟ ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟ تامر : انا عندى 6 اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ 5 - ليه جرس الراحه رن ربع ساعه بدرى ؟ 6- فين رامى ؟؟؟؟؟؟ >>>>>>>>>>>>>>>>>>>>>>>>>>>>>>> مرة
الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس
دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس
الأزهر وقال له: اسأل الشيخ وهو يقول لك الحل. ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات. الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟ عمنا صفوت :78 لفة. الريس: يخرب بيتك أنت؟ ده أنت خربت البلد!! عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام بيلف >>>>>>>>>>>>>>>>>>>>>>>>>>>>. إخبرنى بصراحة يا نظيف ولا داعى للمجاملة أو النفاق - أمرك يا ريس - الريس : أنا الأفضل ولا عبدالناصر ؟- نظيف : انت طبعا يا ريس .. جمال مين اللى كان بيخاف من الروس- طيب أنا الأفضل ولا السادات ؟ نظيف : سادات مين ياريس اللى كان بيخاف من الأمريكان - طيب أنا الأفضل ولا عمر بن الخطاب ؟ - نظيف : انت طبعا يا ريس .. عمر بن الخطاب كان بيخاف من ربنا .. انت لأ ..هههههههههههه >>>>>>>>>>>>>>>>>>>>>>>>>>>>>>>. مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك الراجل استغرب سال السواق مين اللي انت معلقهم صورهم عندك قالة دا جمال عبد الناصر الزعيم المصري الراحل ودا انور السادات قائد حركة السلام والامن في البلد ودا حسني مبارك أبو علاء شريكي في التاكسي >>>>>>>>>>>>>>>>>>>>>>>>> حسني مبارك وجمال وسوزان راكبين بطيارة جمال بيقول شو رايكو ارمي نصف جنيه وافرح مواطنين سوزان بتقول شو رايكو ارمي 3 جنيه وافرح 30 مواطن قام كابتن الطيارة وقال شو رايك يا ريس ترمي حالك وتفرح 85مليون مواطن <<<<<<<<<<<<<<<<<<<<<<<<<<<<<<<<< " أن تعطي ابنك موبايل فأنت لطيف ..... أن تعطي ابنك سيارة فأنت كريم أما أن تعطي ابنك بلدا وشعبا يلعب بهم هو وأصحابه فأنت " مبارك " <<<<<<<<<<<<<<<<<<<<<<<<<<, يقال ان السيد الرئيس كان مسافرا ذات مرة و راكبا الطائرة فرأى مصر من فوووق اوى و شاهد خطوطا طويلة سوداء تملأ مصر كلها فسأل رئيس وزرائه : - ايه يا نظيف ده ؟ ايه الخطوط السوداء ديه ؟ - دى طوابير يا فندم ! طوابير عيش ! - ايه ده ! هو الشعب لسه معاه يشترى عيش >>>>>>>>>>>>>>>>>>>>> ره مبارك راح لوزير الاسكان قاله:معلش عايز منك خدمه.قاله اامر .قاله علاء ابنى عايز شقه يصيف فيها فى الاسكندريه .قاله علم وينفذ بعد شويه فى الشتا جاله قاله عايز منك خدمه.قاله اامر.قاله علاء ابنى عايز شقه فى اسوان يشتى فيها .قاله علم وينفذ بعد كام شهر جاله تانى قاله عايز منك خدمه.قاله اامر. قاله علاء ابنى عايز يفتح الشقتين على بعض . >>>>>>>>>>>>>>>>>>. مرة كمال الجنزورى جه للريس بعد ما شاله من الوزارة فقاله:ياريس ممكن تقولى شلتنى ليه؟؟ رد الريس وقاله: ياكمال ياحبيبى التغيير سنة الحياة.. قاله طب شلت وزير المواصلات ليه؟؟قاله :ياكمال ياحبيبى أنا قلت لك ان التغيير سنة الحياة.. قاله طب ممكن أسأل سؤال ياريس.. قاله :إسأل. قاله:ليه أنت الوحيد اللى مش بتتغير.. رد الريس وقاله: لأن تغييركم أنتوا سنة إنما وجودى أنا فرض >>>>>>>>>>>>>>>>>>>>>>> مبارك كان في زياره لدوله عربيه وواقف مع رئيسها في بلكونه قصره فمبارك بيقوله( انت بتجيب الفلوس اللي عندك دي كلها منين ) قاله بص شايف الكوبري اللي هناك ده مبارك (اه) قاله اتكلف 100مليون وقلت انه اتكلف مليار وهاكذا بعدها بسنه الرئيس ده جه مصر وهو واقف مع مبارك في بلكونه قصره ساله يا مبارك بتجيب فلوسك منين مبارك (شايف الكوبري اللي هناك ده) قاله مفيش كوبري اساسا مبارك( اهو ده بقي اتكلف 2 مليار) >>>>>>>>>>>>>>>>> حسني كان عاوز يغيـر دولارات و مش لاقي في السوق , فراح منادي نظيف: مفيش دولارات في السوق ليه يا انت نظفت السوق ؟ - نظيف :الحج و العمرة ياباشا خلصوا على الاحتياطي - بقولك ايه ..حج ابه وبتاع ايه .. من السنة الجاية الحج يبقى في مصر - نظيف:يا باشا .. ازاي بس - اتصرف - بعد يومين رجع نظيف و قاله : كله تمام يا باشا خلاص الحج حيبقى عندنا الريس: طب و الكعبة حتعمل فيها ايه ؟ - حنعملها في ميدان الحجاز - مصر الجديدة و يبقوا يلفوا حواليها - الريس: طب و السعي ؟ - ياباشا يبقوا يجروا في طريق صلاح سالم لغاية المطار و يرجعوا - الريس: و عرفه ؟ - يطلعوا المقطم ياباشا - الريس: طب و رجم إبليس يا فالح ؟ - إتعب معانا شوية بقى يا ريس.......يا ريت الرجم يفوق >>>>>>>>>>>>>>>>>>>>>>. بيقولك مره شيخ اتمسك فى امن الدوله و سابوه فامن الدوله مراقبينه . اول يوم لقوه ماشى فى شارع الهرم راحوا مكلمين الريس و قالوله الشيخ تاب ياريس تانى يوم لقوه فى كباريه قالوا الشيخ تاب و اناب ياريس تالت يوم لقوه فى الاتوبيس بيسرق واحد قالوا الشيخ تاب و اناب و بقى من الحزب الوطنى ياريس <<<<<<<<<<<<<<<<<<<<<<<<<, فى
عيد الأضحى طلب حسنى مبارك من حبيب العادلى عشر خرفان عشان ينقى منهم خروف
يضحى بيه فى العيد ..بعد تلات تيام جابله خروف متعور ومتبهدل خالص ..فقاله
:إيه ده يا حبيب ..جايبلى خروف حالته بالبلا ..فقاله :ده اللى فضل صاحى
بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان
مسلمين يا فندم <<<<<<<<<<<<<<<<<<<<<<<<<<<<<<< | |
|
King Of Software
مشـــرف
مشاركاتى : 751
مزاجى : 
بــــــلدى : 
الــجنس :
| | موضوع: رد: نكت جاااامدة (الثورة) الخميس 10 فبراير - 16:33 | |
| | |
|
Grend!zeR
TM Lover
مشاركاتى : 124
مزاجى : 
بــــــلدى :
الــجنس :
| | موضوع: رد: نكت جاااامدة (الثورة) الثلاثاء 15 فبراير - 17:15 | |
| | |
|
leomessi2010
مشـــرف
مشاركاتى : 1203
مزاجى : 
بــــــلدى :
الــجنس :
| | موضوع: رد: نكت جاااامدة (الثورة) الأربعاء 16 فبراير - 14:08 | |
| تسلم يا مشمش نكت جامده اوى | |
|
