ضربه جزاء

ضربة جزاء

في الاتحاد الدولي ليه سامع شغب؟
أنا أيوه هو ابن اللذين المنتخب
و كنت بلعب بَاكْ رَيْت في المنتخب
خط الهجوم
مالهوش لزوم
في الوقت ده
و خط وسطي المنسحب
سلِّم خلاص و لا فيش دفاع في المنطقه

إن كنت عايز تعترض
إخبط دماغ ف اعلى عارضه
و المعارضه تنطلق
ما يهمنيش
حكام ما فيش
لو كارت أحمر و لا أصفر
بلُّه و اشرب ميته

دي الفيفا
و ام الفيفا دي أنتيم لدادي و صاحبته
حتى المجالس و اللجان من شلته
عكِّمتهم و عزمتهم يوم الانتخاب
عشوة كباب

كان يوم هباب من أوله
و هالله هالله و عهد ألله أنا مفتري
عنقود مهاره يا ابني فالته و عبقري
المخترف راح افطسه
و الاحتياطي حقرطسه
و الناس بتوعنا و مستحيل حيقصروا
حيهيصوا و يصفروا
و يجعجعوا و يسنتروا

و في النهايه حيلعبوا و بخطتي
تشكيله من الحرس القديم
ابن القديم اللي اتهرا
و مدرب الأحمل جديد
واحد حديد
بيقولوا قال انه افترا
و مراقب الخط اتعمى
و طاقم التحكيم محلي و بالبلا
و المنع حصري ياندراما مسلسله
و ما اقولكوش خط الدفاع
عزمي و شريف ما بيرحموش
و الجون نظيف و شباكه جامده محصنه
و هجومنا كامل الاكتمال
عز ارتجال و الهوف كمان
تحتيه حبيب القلب
و شهاب ع الشمال
آخر جمال
رجاله آخر روشنه

و محضرين ضربات جزاء للمعترض
و الطرد للمتسللين حزب الغلابه المنقرض

و دي خطتي
لاعب وحيد المستفيد هو أنا
و حاكلها والعه بألف مية مليون هنا
و حشوت لمين؟ و لفين ؟و ليه؟
و الكوره جوه ف ملعبي
أما صحيح جمهور غبي

حتحسبنوا و تنفسنوا مش قصتي
حتبرطموا و تحزبنوا مش سكتي
و ان كنتو يعني بتحلموا
يوم توصلوا و تسجلوا
حقَّه بقى تبقوا لا مؤاخذه بتحلموا
و على جثتي

شكراااا

تمام ياكبير شكرا

والله جامد
تسلم ايدك

وانا بنتظر منك المزيد يا جامد واتمني لك التوفيق في كل مواضيعك

جاااااااااااااااااااااااااااااااااااااااامد